काठमाडौं । बुधबार थप २ हजार ९०५ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा संक्रमितको संख्या बढेर २ हजार ९०५ जना पुगेको हो । मंगलबार २३९८ जनामा संक्रमण पुष्ति भएको थियो ।
मन्त्रालयका अनुसार ८ हजार १०८ पीसीआर परीक्षण गर्दा २ हजार १० जनामा र ४ हजार ९१६ एन्टिजेन परीक्षणबाट ८९५ जनामा संक्रमण पुष्टि भएको हो ।
२४ घण्टामा १ हजार ६०६ जना संक्रमणमुक्त भएका छन् । संक्रमित हुनेभन्दा संक्रमितको संख्या बढी हुँदा सक्रिय संक्रमितको संख्या पनि फेरि बढ्दै गएको छ । हाल सक्रिय संक्रमितको संख्या २६ हजार ६४७ जना रहेका छन् । जसमध्ये २४ हजार ९९ जना होम आइसोलेसनमा रहेका छन् । यस्तै २५ सय ४८ जना संस्थागत आइसोलेसनमा रहेका छन् ।
पछिल्लो २४ घण्टामा १८ जना कोरोना संक्रमितको मृत्यु भएको छ ।
बुधबार काठमाडौं उपत्यकामा ४२५ जना संक्रमित थपिएका छन् । जसमध्ये काठमाडौंमा २९४, भक्तपुरमा ६७ र ललितपुरमा ६२ जना रहेका छन् ।
प्रतिक्रिया