काठमाडौं । काठमाडौं उपत्यकाका जिल्ला प्रमुख अधिकारी (सीडीओ)को बैठक आज बस्दै छ ।
जारी निषेधाज्ञाको समीक्षा र आगामी साताको रणनीतिबारे निर्णय गर्न काठमाडौं, ललितपुर र भक्तपुरका सीडीओहरु बैठक बस्न लागेका हुन् । बैठक दिउँसो १ बजे बस्नेछ ।
‘यसअघि थप गरिएको निषेधाज्ञा आज सकिने भएका कारण आजको बैठकले केही छुटका साथ निषेधाज्ञा थप गर्ने निर्णय हुने बताइएको छ । विशेष गरी लामो दूरीका सवारी साधन संचान गर्न दिने विषयमा छफफल केन्द्रित हुन लागेको छ ।
अत्यावश्यक कामले काठमाडौंबाट बाहिर जाने र काठमाडौं भित्रिने यात्रुले अहिले साना सवारीमा बढी भाडा तिर्न परेको गुनासो आइरहेका कारण अब लामो दूरीका बस संचालनको निर्णय हुने बुझिएको छ । यसअघि पासका आधारमा उपत्यका आउने–जाने लामो तथा छोटो दूरीका सार्वजनिक यातायात संचालनको व्यवस्था गरिएको थियो ।
कोरोना भाइरसको महामारीको दोस्रो लहर बढ्न थालेपछि सरकारले गठन बैशाख १६ गतेदेखि उपत्यकामा लगातार निषेधाज्ञा लगाउँदै आएको छ । तर, असार महिनादेखि भने निषेधाज्ञामा धेरै छुट दिइएको छ ।
प्रतिक्रिया