कोरोना संक्रमित फेरि बढे : २९३६ जनामा संक्रमण, ४३ को मृत्यु; १७७५ मात्र संक्रमणमुक्त

काठमाडौं । कोरोना संक्रमणको दोस्रो लहर सकिन नपाउँदै नेपालमा पुनः संक्रमण दर बढ्न थालेको छ
।

स्वास्थ्य मन्त्रालयका अनुसार पछिल्लो २४ घण्टामा देशभर २ हजार ९३६ जनामा कोरोनाभाइरस संक्रमण पुष्टि भएको छ ।

मन्त्रालयका अनुसार १४ हजार १८२ जनामा परीक्षण गर्दा २ हजार ९३६ जनामा संक्रमण पुष्टि भएको हो ।

सोही अवधिमा जम्मा १ हजार ७७५ जना संक्रमित संक्रमणमुक्त भएका छन् । यस्तै ४३ जनाको मृत्यु भएको छ। हालसम्म कोरोना संक्रमणबाट मृत्यु हुनेको संख्या ९ हजार ५०६ पुगेको छ ।