काठमाडौं । काठमाडौं उपत्यकामा फेरि १० दिन निषेधाज्ञा थपिएको छ ।
काठमाडौं उपत्यकाका प्रमुख जिल्ला अधिकारीहरुको आइतबार बसेको बैठकले उपत्यकामा १० दिन निषेधाज्ञा थप गर्ने निर्णय गरेको हो । थपिएको निषेधाज्ञामा पनि यसअघिकै नियमलाई निरन्तरता दिइएको छ ।
यसअघि जारी भएको निषेधाज्ञा आजैबाट सकिँदैछ ।
उपत्यकामा निषेधाज्ञा जारी रहे पनि धेरै क्षेत्रमा भने छुट दिईँदै आएको छ । शनिबारदेखि लामो दूरीका यातायात समेत संचालन अनुमति पाएका छन् ।
निषेधाज्ञा कमजोर बन्दै जाँदा कोरोना भाइरसका संक्रमित बढ्ने क्रम पनि फेरि दोहोरिएको छ । आम मानिसले जनस्वास्थ्य मापदण्डलाई कडाईपूर्वक पालना नगर्दा भाइरसको संक्रमण पुनः बढ्दै गएको हो ।
प्रतिक्रिया