लुम्बिनी प्रदेश सभामा माओवादी सांसद विमला वलीको अज्ञात स्थलबाट विज्ञप्ति सार्वजनिक, एमालेमा रहेको खुलासा

खबर कुरा
१८ श्रावण २०७८, सोमबार
                 

बुटवल । गत शुक्रबारबाट सम्पर्क विहिन भएकी लुम्बिनी प्रदेश सभा सदस्य विमला कुमारी खत्री वलीको अदृष्य स्थानबाटै प्रेस विज्ञप्ति बाहिर आएको छ । वलीले गत बैशाखमा रोजेको दल नेकपा माओवादी केन्द्रले वलीको हस्ताक्षर सहित नयाँ सरकार गठन गर्न प्रदेश प्रमुखलाई समावेदन बुझाएको कहीबेरमा वलीको प्रेस विज्ञप्ति सार्वजानिक भएको छ । वलीले आफु एमालेकै संसदीयदलको सदस्य रहको विज्ञप्तिमा जनाएकी छिन् ।

दाङ निर्वाचान क्षेत्र नम्बर ३ (क)बाट उप-निर्वाचनमा निर्वाचित वलीले गत बैशाखमा आफु राजी खुसी माओवादी केन्द्र रोजेको भन्दै पत्रकार सम्मेलन गरकी थिईन् । उनका श्रीमान उत्तरकुमार वलीले चुनाव जितेको क्षेत्रमा उनको सवारी दुर्घटनाबाट मृत्यु भएपछि उप-निर्वाचनमा विमलालाई उम्मेदवार बनाईएकाे थियो । नेकपा पार्टीको नाम र सुर्य चिन्हबाट चुनाव लडेकी विमलाले एमाले र माओवादी केन्द्र अलग भएपछि पार्टी रोज्न पाउने प्रावधान अनुसार बैशाखमा माओवादी केन्द्र रोजेकी थिइन् ।

पत्रकार सम्मेलनमा आफुलाई राजनीतिक र पारिवारिकरुपमा माओवादीबाट सहयोग र संरक्षण प्राप्त भएका कारण आफुले माओवादी रोजेको बताएकी थिईन् । तर आज अपरान्ह सार्वजानिक भएको विज्ञप्तिमा सुर्य चुनाव चिन्हबाट चुनाव जितेर माओवादी केन्द्र रोज्नु कानुनीरुपमा ठिक नभएको उल्लेख गरेकी छिन् । पार्टी विभाजन भएपछि पनि आफु एमाले संसदीयदलमा सहभागी भएको भन्दै आफु एमालेमै रहेको विज्ञप्तिमा लेखिएको छ ।

माओवादी केन्द्रले सांसद वली पार्टीको सम्पर्कमा नरहेको र एमालेबाट अपहरण भएको हुन सक्ने अनुमान लगाईरहेका बेला अज्ञात स्थानबाट वलीको विज्ञप्ति सार्वजानिक भएसँगै विज्ञप्तिको आधिकारिकता माथि पनि आशंका उत्पन्न भएको छ । सांसद वलीलाई पटक पटक सम्पर्क गर्न खोज्दा उनको मोबाईलमा घण्टी गएपनि उठेन ।

यसमा तपाइको मत

Your email address will not be published. Required fields are marked *


*