कोरोना संक्रमित दिनदिनै बढ्दै, आज थपिए ४१०७ जना, ३५ जनाको मृत्यु

काठमाडौं । पछिल्लो २४ घण्टामा नेपालमा थप ४१०७ जनामा कोरोना संक्रमण पुष्टि भएको छ । ११ हजार ३५४ नमुनाको पीसीआर परीक्षण गर्दा २९७५ जना र ४९४४ जनाको एन्टीजेन परीगक्षण गर्दा ११३२ जनामा संक्रमण पुष्टि स्वस्थ्य तथा जनसंख्या मन्त्रालयले जनाएको छ ।

सोही अवधिमा नेपालमा ३५ जना संक्रमितको उपचारका क्रमmमा मृत्यु भएको छ ।

आज थपिएसँगै कुल सक्रिय संक्रमितको संख्या ३३ हजार ४६४ पुगेको छ । पछिल्लो २४ घण्टाकै अवधिमा १५३५ जना संक्रमणमुक्त भएका छन् ।

स्वास्थ्य मन्त्रालयका अनुसार हालसम्म झन्डै ४० लाख जनामा कोरोना परीक्षण भएकामा ७ लाख ६७ हजार ९२२ जनामा संक्रमण पुष्टि भएको छ । जसमध्ये ६ लाख ६१ हजार ६५१ जना निको भएका छन् । यस्तै हालसम्म मृतकको कुल संख्या ९ हजार ९५७ पुगेको छ ।