काठमाडौं । प्रधानमन्त्री शेरबहादुर देउवाले अफगानिस्तानमा रहेका नेपालीको उद्धार गर्न आफुले निर्देशन दिइसकेको बताएका छन् ।
सामाजिक सञ्जालट ट्वीटरमार्फत प्रधानमन्त्रीले अफगानिस्तानबारे अपडेट गराउँदै त्यहाँ रहेका नेपालीको उद्दार र समन्वयको जिम्मेवारीलाई सरकारले गम्भीरतापूर्वक लिएको बताएका छन् ।
देउवाले त्यहाँ रहेका नेपालीको उपस्थिति र स्थितिको तथ्य लिन र अत्यावश्यक स्थितिमा उद्धारको प्रबन्ध मिलाउन आइतबार नै निर्देशन दिइसकेको उल्लेख गरेका छन् ।
देउवाले भनेका छन्, ‘सुरक्षा र उद्वार प्रतीक्षा गरिरहेका नेपालीका लागि आवश्यक समन्वय र अभिभावकत्व सरकारको दायित्व हो िसजगता र गम्भीरतापुर्वक सरकारले यो जिम्मेवारी निभाउनेछ ।’
अफगानिस्तानमा नेपालीको उपस्थिति र स्थितिको तथ्य लिन र अत्यावश्यक स्थितिमा उद्वार प्रबन्ध मिलाउन आइतबार निर्देशन गरिसकेको छु l
सुरक्षा र उद्वार प्रतीक्षा गरिरहेका नेपालीका लागि आवश्यक समन्वय र अभिभावकत्व सरकारको दायित्व हो l सजगता र गम्भीरतापुर्वक सरकारले यो जिम्मेवारी निभाउनेछ l
— Sher Bahadur Deuba (@SherBDeuba) August 16, 2021
अमेरिकी सेनाले छोडेपछि अफगानिस्तानको भूभाग कब्जा गर्दै गएका तालिवान विद्रोहीहरुले आइतबार साँझ राजधानी कावुलमाथि विना रक्तपात नियन्त्रण गरेका थिए । तालिवानले सत्ता कब्जा गर्ने निश्चित भएपछि अफगान राष्ट्रपति अरसफ गनी र उपराष्ट्रपति देश छोडेर भागेका थिए ।
तालिवानले सत्ता कब्जा गरेपछि अफगानिस्तानमा रहेका अमेरिका वेलायत लगायतका देशहरुले आआफ्ना नागरिक फिर्ता गर्न थालिसकेका छन् । ती देशहरुले आफ्नो दूतावासको सुरक्षामा रहेका नेपाली कामदारहरुलाई पनि फर्काउन थालेका छन् । उद्धार गरिएका नेपालीलाई दुबई, दोहा र लन्डन पुर्याइएको छ ।
प्रतिक्रिया