बैतडी । भिरबाट लडेर गम्भीर घाइते भएका युवा संघ बैतडीका सदस्य विजय भाटको उपचारका क्रममा मृत्यु भएको छ ।
दशरथचन्द नगरपालिका-५ दमरखोलीका ३० वर्षीय भाटको उपचारका क्रममा शुक्रबार धनगढीस्थित माया मेट्रो अस्पतालमा मृत्यु भएको जिल्ला प्रहरी कार्यालय, बैतडीका प्रहरी निरीक्षक दर्शन खड्काले जानकारी दिए ।
बिहीबार साँझ सदरमुकामबाट घर फर्किने क्रममा स्थानीय कलुवाड मोडबाट लडेर घाइते भएका थिए । उनको जिल्ला अस्पतालमा उपचार नभएपछि शुक्रबार बिहानै ४ः०० बजे धनगढी लगिएको थियो ।
उनको धनगढीस्थित मायामेट्रो अस्पतातमा उपचार भइरहेको थियो। उपचारका क्रममै मृत्यु भएको प्रहरीले जनाएको छ । उनका श्रीमती र एक छोरा छन् ।
प्रतिक्रिया