सभामुखले बोलाएको सर्वदलीय बैठकमा एमाले अनुपस्थित हुने

१४ सांसदलाई पदमुक्त गरेको सूचना टाँस्न या आफैले राजीनामा दिन दबाब
खबर कुरा
२८ भाद्र २०७८, सोमबार
                 

काठमाडौं । संसदमा देखिएको गतिरोध अन्त्यका लागि सभामुख अग्निप्रसाद सापकोटाले बोलाएको सर्वदलीय बैठकमा प्रमुख प्रतिपक्षी दल नेकपा एमाले अनुपस्थित हुने भएको छ ।

सभामुख सापकोटाले नेकपा एकीकृत समाजवादीलाई पनि बैठकमा आमन्त्रण गरेपछि एमालेले बैठक बहिस्कार गर्नेभएको हो । आफ्नो पार्टीले कारवाही गरेका १४ सांसदको सनाखतबाट बनेको एकीकृत समाजवादी विरुद्ध एमाले सुरुदेखि नै लागिरहेको छ । एमालेले एकीकृत समाजवादीलाई दल दर्ता हुने अवसर जुटाइदिएको भन्दै सभामुख सापकोटाको विरुद्धमा संसदभित्रै नारावाजी र रोष्टम घेराउ गर्दैआएको छ ।

एमाले संसदीय दलका प्रमुख सचेतक विशाल भट्टराईले आज सभामुख सापकोटालाई फोन गरी १४ सांसदलाई कारवाही गरेको सूचना टांस्न या पदबाट राजीनामा दिन चेतावनी दिएका छन् । दुई मध्ये एक काम नगरे आफुहरु सहयोगी नबन्ने चेतावनी उनले दिएका छन् ।

यसमा तपाइको मत

Your email address will not be published. Required fields are marked *


*