काठमाडौं । शनिबार र आईतबार ३ अङ्कमा झरेको कोरोनाको ग्राफ पछिल्लो २ दिनमा उकालो चढ्न थालेको छ । पछिल्लो २४ घण्टामा नेपालमा १५६२ जनामा कोरोनाभाइरस संक्रमण पुष्टि भएको छ भने १५८९ जना संक्रमणमुक्त भएका छन् । सोही अवधिमा १९ जनाले ज्यान गुमाएका छन् ।
स्वास्थ्य तथा जनसंख्या मन्त्रालयका अनुसार देशभर कोरोना संक्रमितको कुल संख्या पीसीआर विधिबाट भएको परीक्षणमा ७ लाख ७९ हजार ४९२ र एन्टिजेन विधिबाट भएको परीक्षणमा ८७ हजार ४१३ जना पुगेको छ । संक्रमितमध्ये हालसम्म ७ लाख ४२ हजार ३०६ जना कोरोना मुक्त भएका छन् ।
हालसम्म कोरोनाबाट १० हजार ९८४ जनाको मृत्यु भएको मन्त्रालयले जनाएको छ ।
प्रतिक्रिया