नेपालगन्ज । नेपाली काँग्रेसको पूर्व सभापति सुशिल कोईरालाको गृह जिल्लाकारुपमा चिनिने बाँके जिल्लाको काँग्रेस सक्रिय सदस्यता विवाद नेताहरुले टुङ्गो लगाएका छन् । वर्तमान सभापति शेरवहादुर देउवाले आफ्नो वर्चश्व रहेको जिल्लाकारुपमा दाबी गरेको बाँकेको सक्रिया सदस्यता विवाद लामो अभ्यास पछि आज टुङ्गो लागेको हो ।
बाँके सहित ५ जिल्लामा क्रियाशील सदस्यता विवाद टुङ्गो लगाउँदै आज निर्वाचन समितिलाई सदस्यता सूची बुझाइएको काँग्रेस केन्दीय कार्यालयले जनाएको छ । बाँके सहित महोत्तरी, सिरहा, डोल्पा र सुर्खेतको सदस्यता सूची प्राप्त भएको निर्वाचन समितिका सदस्य एकराज पोखरेलले जानकारी दिएका छन् ।
काँग्रेसले ७ वटा जिल्लाको सक्रिय सदस्यता विवाद अझै सुल्झाउन सकेको छैन । निर्वाचन समितिले क्रियाशील सदस्यताको सूची नपाएको जिल्लामा पर्सा, बारा, रौतहट, सर्लाही, धनुषा, सप्तरी, रसुवा र कैलालीमा रहेको छन् । सदस्यता टुङ्गो लागेका पाँच जिल्लामा भोलि नै निर्वाचन अधिकृत खटाइने सदस्य पोखरेलले बताए ।
प्रतिक्रिया