कोरोना अपडेट : ८३४ नयाँ संक्रमित थपिए, १२७९ संक्रमणमुक्त, ९ जनाको मृत्यु

काठमाडौं । कोरोना संक्रमितको संख्या आज पनि तीन अंकमा सीमित भएको छ ।

पछिल्लो २४ घण्टामा ८३४ जना नयाँ संक्रमित थपिएको स्वास्थ्य तथा जनसंख्या मन्त्रालयले जनाएको छ ।

१३ हजार ७३६ जनामा गरिएको परीक्षणमध्ये पीसीआर विधिबाट ७३० र एन्टीजेन विधिबाट १०४ जनामा संक्रमण पुष्टि भएको मन्त्रालयले जनाएको छ ।

यसै अवधिमा १२७९ जना संक्रमित निको भएका छन् । ९ जनाको मृत्यु भएको छ ।

आज सक्रिय संक्रमितको संख्या १९ हजार १४२ रहेको छ ।