कोरोना अपडेट : ८६७ जना संक्रमित थपिए, ११२३ संक्रमणमुक्त

काठमाडौं । नेपालमा पछिल्लो २४ घण्टामा ८६७ जना मात्र कोरोना संक्रमित थपिएका छन् ।

८ हजार २१९ जनामा गरिएको परीक्षणमा १ हजार भन्दा कममा संक्रमण देखिएको स्वास्थ्य तथा जनसंख्या मन्त्रालयले जनाएको छ । नमुना परीक्षण कम हुँदा संक्रमितको संख्या पनि कम देखिएको छ ।

यस अवधिमा ११२३ जना संक्रमित संक्रमण मुक्त भएका छन् । यस्तै ९ जनाको मृत्यु भएको छ । हालसम्म देशभर ११ हजार १५७ जनाको कोरोना संक्रमणका कारण मृत्यु भएको छ ।

आज देशभर १७ हजार ६४२ जना सक्रिय संक्रमित रहेको मन्त्रालयले जनाएको छ ।