काठमाडौं । शनिबार नेपालमा कोरोना भाइरसका ७६० जना संक्रमित थपिएका छन् ।
स्वास्थ्य तथा जनसंख्या मन्त्रालयले अपडेट गरेको पछिल्लो तथ्यांकअनुसार १२ हजार ३१ जनामा गरिएको परीक्षणमा ७६० जनामा संक्रमण पुष्टि भएको हो ।
पछिल्लो २४ घण्टामा ८९९ जना निको भएका छन् । यसै अवधिमा ११ जनाको मृत्यु भएको छ ।
आज देशभर १५ हजार ३४० जना सक्रिय संक्रमित रहेको मन्त्रालयले जनाएको छ । जसमध्ये होम आइसोलेसनमा १४ हजार १६८ जना रहेका छन् । यस्तै संस्थागत आइसोलेसनमा १ हजार १७२ जना रहेका छन् । सघन उपचार कक्षमा रहेका संक्रमितको संख्या ३१७ रहेको छ भने भेन्टिलेटरमा ११३ जना रहेको मन्त्रालयले जनाएको छ ।
प्रतिक्रिया