कोरोना भाइरसका ५९६ जना संक्रमित थपिए, १० जनाको मृत्यु

काठमाडौं । पछिल्लो २४ घण्टामा नेपालमा ५९६ जनामा कोरोना भाइरस संक्रमण पुष्टि भएको छ ।

यो संख्या कोरोनाको दोस्रो लहर सुरुभएपछिको सबैभन्दा कम हो ।

स्वास्थ्य तथा जनसंख्या मन्त्रालयले आइतबार ढिलोगरी सार्वजनिक गरेको पछिल्लो तथ्यांकअनुसार १२ हजार ४०४ जनामा गरिएको परीक्षणमा ५९६ जनामा संक्रमण पुष्टि भएको हो । यसमध्ये ९ हजार २३७ पीसीआर परीक्षण गर्दा ५६५ जनामा संक्रमण देखिएको छ भने ३ हजार १६७ एन्टिजेन परीक्षण गर्दा ३१ जनामा गरी गरी ५९६ जनामा कोरोना भाइरसको संक्रमण पुष्टि भएको जनाएको छ ।

पछिल्लो २४ घण्टामा ८७१ जना निको भएका छन् । यसै अवधिमा कोरोना संक्रमणबाट १० जनाको मृत्यु भएको छ ।

नेपालमा हालसम्म कोरोना संक्रमितको कुल संख्या ८ लाख २ हजार १९८ पुगेको छ ।

आज देशभर सक्रिय संक्रमितको संख्या १५ हजार २४ रहेको छ ।