आज थपिए ४५५ नयाँ कोरोना संक्रमित, ८ जनाको मृत्यु

खबर कुरा
२८ आश्विन २०७८, बिहीबार
                 

काठमाडौं । नेपालमा पछिल्लो २४ घण्टामा ४ सय ५५ जना नयाँ कोरोनाभाइरस संक्रमित थपिएका छन् । ६ हजार २१४ जनाको परीक्षण गर्दा पीसीआर विधिबाट ३९८ र एन्टिजेन विधिबाट ५७ जनामा कोरोना संक्रमण पुष्टि भएको हो । आज थपिएका मध्य सबैभन्दा धेरै काठमाडौँमा १ सय ४७ जना, ललितपुरमा ४९ र भक्तपुरमा २० जना रहेका छन् ।

सोही अवधिमा मुलुकभरबाट ८०४ जना संक्रमणमुक्त भएको स्वास्थ्य तथा जनसंख्या मन्त्रालयले जनाएको छ । हालसम्म कूल संक्रमितमध्ये ७ लाख ७९ हजार १५४ जना संक्रमणमुक्त भइसकेका छन् ।

मन्त्रालयका अनुसार देशभर हाल १३ हजार ८५३ जना सक्रिय संक्रमित रहेका छन् । यसमध्ये १२ हजार ७९१ जना होमआइसोलेसनमा, १ हजार ६२ जना संस्थागत आइसोलेसनमा, ३१० जना आईसीयू र १०५ जना भेन्टिलेटरमा रहेको समेत मन्त्रालयले जानकारी दिएको छ । २४ घण्टाकै अवधिमा नेपालमा ८ जनाको मृत्यु भएको छ । नेपालमा आज सम्ममा कोभिड–१९ को संक्रमणबाट ११ हजार २६९ जनाको मृत्यु भइसकेको छ ।

यसमा तपाइको मत

Your email address will not be published. Required fields are marked *


*