काठमाडौं । नेपालमा पछिल्लो २४ घण्टामा नयाँ २७२ जनामा कोरोनाभाइरसको सङ्क्रमण पुष्टि भएको छ । ४ हजार ७१२ जनाको पीसीआर र एन्जिेन परिक्षण गर्दा पीसीआर विधिबाट २४० तथा एन्टिजेन विधिबाट ३२ जनामा सङ्क्रमण पुष्टि भएको हो । नयाँ सङ्क्रमितमध्ये सबैभन्दा धेरै काठमाडौँमा ८९ जना, ललितपुरमा १८ र भक्तपुरमा ११ जना रहेको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार सोही अवधिमा नेपालमा ७ सय ७७ जना सङ्क्रमणमुक्त भएका छन् भने ८ जनाको मृत्यु भएको छ । नेपालमा आज सम्ममा ७ लाख ७९ हजार ९३१ जना सङ्क्रमणमुक्त भइसकेका छन् । आजको मृत्युको संख्या सँगै नेपालमा ज्यान गुमाउनेको सङ्ख्या ११ हजार २७७ पुगेको छ ।
देशभर १३ हजार ३०८ जना सक्रिय सङ्क्रमित रहेका छन् । यसमध्ये १२ हजार २५० जना होम आइसोलेसन, १ हजार ५८ जना संस्थागत आइसोलेसन, ३०७ जना आईसीयू तथा १०१ जना भेन्टिलेटरमा रहेका छन् ।
प्रतिक्रिया