काठमाडौं । नेकपा एमालेका अध्यक्ष केपी शर्मा ओलीले वर्तमान सरकारमा लोभी पापीमात्रै रहेको बताएका छन् । बुधबार एमालेको वागमती प्रदेश अधिवेशनलाई सम्बोधन गर्दै अध्यक्ष ओलीले वर्तमान सरकारमा लोभी पापीमात्रै रहेकाले अलिकति बिलो लगाउने हो भने सरकार ढल्ने बताएका हुन् । उनले आफूहरूले चाहे देउवा सरकार एक सातामा ढाल्न सक्ने दावी समेत गरे ।
ओलीले एमालेको उद्देश्य अभिष्ट सरकार बनाउने नभइ देश बनाउने भएको दावी गरे । । ‘अहिले पनि यो सरकार ढाल्दिउँ भन्ने हो भने एक हप्तामा ढल्छ । यस्तै साँठगाँठ, गठबन्धन गर्ने हो भने त हामी सात दिनभित्र ढालिदिन्छौं ।’ उनले भने ।
उनले ‘अर्ली इलेक्सन’ भए आफुहरु मान्न तयार रहेको बताउँदै एमालेलाई सबै तहको जिर्वाचनमा विजय चाहिएको बताए । ‘अर्ली इलेक्सन भए ठिकै छ, तर यो सरकारले देशको असाधारण बहुमूल्य समय खेर फालिरहेको छ ।’ ओलीले भने, -‘हाम्रो निशाना चुनावको तयारी ।’
ओलीले सरकार आलोचना गर्न पनि लायक समेत नरहेको टिप्पणी पनि गरे ।
प्रतिक्रिया