पार्टी विरोधी गतिविधि गर्ने तत्वहरुको बहिर्गमनपछि एमाले एक ढिक्का बनेको छ : केपी ओली

काठमाडौं । नेकपा एमालेका अध्यक्ष केपी शर्मा ओलीले प्रचण्ड र माधव नेपालको बहिर्गमनसँगै पार्टी नयाँ ढंगले अघि बढेको बताएका छन् ।

देशभरका ६ हजार बढी एमालेको वडा अधिवेसनको एकै पटक भर्चुअल उद्घाटन गर्दै अध्यक्ष ओलीले खराव तत्वहरू बाहिरएपछि एमाले एकढिक्का बनेको बताएका हुन् ।

प्रचण्ड र माधव नेपालको बहिर्गमनसँगै पार्टी नयाँ ढंगले अघि बढेको बताउँदै उनले विभाजनबाट पार्टीमा सकारात्मक प्रभाव परेको दाबी गरे ।

पार्टी विरोधि गतिविधि गर्ने तत्वहरुको बहिर्गमनपछि सकारात्मक कुरा भनेको अब हामी एक ढिक्का छौं । ओलीले भने, -‘आपसी तानातान गर्ने र बाहिर पार्टीको बेइज्जति गर्ने खालको प्रवृत्ति अब छैन । यो एउटा खुशीको कुरा हो ।’

ओलीले हालै वर्षा र बाढी-पहिरोका कारण क्षति भोगेका कृषकलाई उचित राहत र क्षतिपूर्ति प्रदान गर्न सरकारसँग माग पनि गरे ।