काठमाडौँ । नेपाली कांग्रेसले सदस्यता बिवादका कारण अधिवेशन गर्न बाँकी रहेको १३ जिल्लाको अधिवेशनको तयारी अगाडि बढाएको छ । क्रियाशील सदस्य विवादको कारण महाधिवेशन हुन नसेको १३ जिल्लामा कांग्रेसले छठलगतै वडा अधिवेशन गर्ने तयारी गरेको हो ।
क्रियाशिल सदस्यता बिवादकै कारण कांग्रेसको प्रदेश नम्बर २ का ८ सहित विभिन्न १३ जिल्लामा वडा अधिवेशन भएको छैन । सप्तरी, सिरहा, धनुषा, महोत्तरी, सर्लाही, रौतहट, बारा, पर्सा, रसुवा, बाँके, सुर्खेत, डोल्पा र कैलालीमा वडा अधिवेशन गर्न बाँकी रहेको काँग्रेस केन्द्रीय कार्यालयले जनाउको छ । केन्द्रीय कार्यालयले जनाए अनुसार रसुवा र रौतहटमा क्रियाशील सदस्यता विवाद टुङ्ग्याउन काँकी छ।
६४ जिल्लामा वडा अधिवेशन सम्पन्न गरेको काँग्रेसले कात्तिक २७ गते बाँकी रहेको जिल्लाका वडा अधिवेशन गर्ने केन्द्रीय निर्वाचन समितिले कार्यतालिका जारी गरेको छ ।
कांग्रेसको केन्द्रीय महाधिवेशन मंसिर २४ देखि २६ सम्म काठमाडौँमा गर्ने तय गरिसकेको छ । यसअघि मताहतका कमिटीको अधिवेशन गर्नुपर्ने काँग्रेस विधानमा व्यवस्था छ ।
प्रतिक्रिया