२४ घण्टामा ३९० कोरोना संक्रमित थपिए, ४२५ संक्रमणमुक्त, ५ जनाको मृत्यु

काठमाडौं । सोमबार कोरोना भाइरसका ३९० जना संक्रमित थपिएका छन् ।

५ हजार २६ जनामा गरिएको नमुना परीक्षणमा ३९० जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । पीसीआर विधिबाट परीक्षण गर्दा ३७१ जनामा संक्रमण देखिएको छ भने बाँकी एन्टिजेन विधिबाट गरिएको परीक्षणबाट थपिएका हुन् ।

पछिल्लो २४ घण्टाको अवधिमा ४२५ जना संक्रमणमुक्त भएका छन् । यसै अवधिमा ५ जनाको मृत्यु भएको छ ।

आज देशभर ७ हजार ६५४ जना सक्रिय संक्रमित रहेका छन् ।