नयाँगाउँको आगलागीबाट ५० लाख क्षति भएको प्रहरीको प्रारम्भिक अनुमान

खबर कुरा
२३ कार्तिक २०७८, मंगलवार
                 

बुटवल । सोमबार बुटवलको नयाँगाउँमा भएको आगलागीबाट झण्डै ५० लाख बढीको क्षति भएको प्रहरीले अनुमान गरेको छ । बुटवल उपमहानगरपालिका वडा नं १२ नयाँगाउँ स्थित नयाँगाउँ माध्यमिक बिद्यालय अगाडीको चोकमा साँझ ५ः३० बजेबाट लागेको आगो ४ घण्टाको लगातार प्रयासमा ९ः३० बजे मात्र पूर्णरुपमा नियन्त्रणमा आएको थियो ।

सडक कालोपत्रे गर्ने अलकत्रा पगाल्ने क्रममा लागेको आगलागीबाट एक घर पूर्णरुपमा क्षतिग्रस्त भएको छ भने अन्य २ घरमा पनि क्षति पुगेको छ । आगलागिबाट स्थानीय गोपाल पाण्डे र मिना मरासीनी सहित थप १ जनाको घरमा क्षति पुगेको थियो। पाण्डेको घरमा पूर्णरुपमा क्षति भएको र अन्य दुई घरमा आशिंक क्षति भएको थियो । राती अबेर प्रहरीले गरेको आँकलनमा आगलागीबाट ४० देखि ५० लाख बराबरको क्षति भएको अनुमान गरिएको इलाका प्रहरी कार्यालय बुटवलका प्रमुख डीएसपी ठग बहादुर केसीले जानकारी दिए ।

आगलागीबाट मानविय तथा पशु चौपायामा कुनै क्षेति नभएको समेत प्रहरीले जनाएको छ । आगलागीमा आफ्नो परिवार सुरक्षित रहेको भन्दै आगलागी पीडित गोपाल पाण्डेले फेसबुक स्टाटस राखेका छन् ।

नोट : सोमबार प्रकाशित यसै सम्बन्धी समाचारको शिर्षकमा नयाँगाउ हुनुपर्नेमा भुलवस नयाँमिल हुन गएकोले पाठकमा पर्न गएको असुविधाका लागि क्षमा प्रार्थी छौं ।

यसमा तपाइको मत

Your email address will not be published. Required fields are marked *


*