काठमाडौं । नेकपा एमालेका उपाध्यक्ष भीम रावलले सुदुरपश्चिम प्रदेशमा पार्टी केन्द्रीय कमिटीको अपानी लागु नभएकोमा आपत्ति जनाएका छन् ।
रावलले सामाजिक सञ्जाल ट्वीटरमार्फत आज हुने भनिएको सुदुरपश्चिम प्रदेशको बैठक १० बुँदे सहमति र अपानी १२ विपरित रहेको जिकिर गरेका छन् । रावलले बैठकलाई गुटबन्दीको नमूना भएको टिप्पणी गरेका छन् ।
उनले झापामा लागु हुने अपानी सुपमा लागु किन नहुने भन्दै प्रश्न गरेका छन् । रावलले भनेका छन्, ‘आज हुने भनिएको कथित सु।प। प्रदेश कमिटीको बैठक १० बुँदे सहमति र त्यसको कार्यान्वयनका लागि जारी अपानि १२ को विपरीत छ।यो गुटबन्दीको नमूना हो।यो बैठक र यसका निर्णयहरू अवैध र अमान्य छन्।अपानि १२ झापामा लागु हुने, सु।प।मा लागु नहुने किनरु यहाँको भूमि वाह्य अतिक्रमणमा परेकोले हो कि ?’
आज हुने भनिएको कथित सु.प. प्रदेश कमिटीको बैठक १० बुँदे सहमति र त्यसको कार्यान्वयनका लागि जारी अपानि १२ को विपरीत छ।यो गुटबन्दीको नमूना हो।यो बैठक र यसका निर्णयहरू अवैध र अमान्य छन्।अपानि १२ झापामा लागु हुने, सु.प.मा लागु नहुने किन? यहाँको भूमि वाह्य अतिक्रमणमा परेकोले हो कि?
— Bhim Rawal, PhD (@BhimRawal179) November 9, 2021
नेकपा एमालेमा माधवकुमार नेपाल पक्षधर रहँदै आएका रावलले गत साउनदेखि नेपाललाई छोडेर १० बुँदे सहमति गर्दै पार्टी अध्यक्ष केपी शर्मा ओलीसँग नजिकिएका थिए । तर, नेपाल पक्षधर नेताहरुलाई उनीबाट अलग्याउन चाहेका अध्यक्ष ओलीले १० बुँदे सहमति गरेपनि सुदुरपश्चिम र केही जिल्लामा भने सो सहमति लागु नहुने बताइसकेका छन् । ओलीले १० बुँदे सहमतिको औचित्य समाप्त भैसकेको भन्दै अब त्यसको नाममा पार्टीभित्र कुनै किचलो नगर्न रावल लगायतका नेताहरुलाई चेतावनी दिँदै आएका छन् ।
प्रतिक्रिया