काठमाडौं । प्रधानन्यायाधीस चोलेन्द्र शमशेर जबराले सर्वोच्च अदालतका न्यायाधीसहरूको पूर्ण बैठक (फुलकोर्ट) बोलाएका छन् ।
सर्वोच्च अदालतका न्यायाधीस तेजबहादुर केसीका अनुसार दिउँसो साढे १ बजेका लागि बैठकको समय तय भएको छ ।
बैठकमा गोला प्रथाद्वारा मुद्दा हेर्ने प्रयोजनका लागि आवश्यक पर्ने निर्देशिका पारित गर्ने कार्यसूचि छ । यसअघि प्रधानन्यायाधीस जबराले बोलाएको फुलकोर्ट बहिष्कार गरेर बसेका असन्तुष्ट १८ जना न्यायाधीस पनि सो बैठकमा सहभागी हुने भएका छन् ।
प्रधानन्यायाधीसले गोलाप्रथा लागु गर्नका लागि आवश्यक नियम संशोधन प्रयोजनका लागि बैठक बोलाएको भन्दै उनीहरू बैठकमा उपस्थित हुन तयार भएका हुन् ।
नेपाल बारले भने जबराले राजीनामा नदिएसम्म इजलासमा बहस गर्न नजाने निर्णय गरिसकेको छ ।
प्रतिक्रिया