आगामी निर्वाचन पछि एमालेलाई लाईट बालेर खोज्नु पर्ने हुन्छ : माधव नेपाल

खबर कुरा
१८ मंसिर २०७८, शनिबार
                 

अर्घाखाँची । नेकपा (एकीकृत समाजवादी) का अध्यक्ष माधवकुमार नेपालले आगामी निर्वाचन पछि नेकपा (एमाले)लाई लाइट बालेर खोज्नुपर्ने अवस्था आउने दाबी गरेका छन् । शनिबार अर्घाखाँचीमा कार्यकर्ता भेलालाई सम्बोधन गर्दै अध्यक्ष नेपालले एमाले अध्यक्ष केपी शर्मा ओलीले संविधानविपरीत दुई–दुई पटक संसद् विघटन गरेका कारण नेपाली जनताको समर्थन एमालेलाई नरहेको बताए । बहुमत जनता ओलीको पार्टीको विपक्षमा रहेको नेपालको दाबी छ ।

अध्यक्ष नेपालले आगामी निर्वाचनसम्म गठबन्धन जारी रहने बताउँदै संविधानको रक्षा गर्दै संसद् जोगाउने शक्तिहरु निर्वाचनसम्म एकै ठाउँमा रहने जिकिर गरे ।

उनले राष्ट्रियसभा निर्वाचनमा रामबहादुर थापा ‘बादल’लाई कलम चिन्हका स्वतन्त्र उम्मेदवार खिमलाल देवकोटाले पराजित गरेर कलम चिन्हको विजयी यात्रा सुरु भइसकेको बताए ।

उनले वर्तमान सरकारका सम्बन्धमा आफ्नो धारणा राख्दै सरकारमा बस्नेले गलत बाटोमा जान छुट नभएको स्पष्ट पारे । भ्रष्टाचार गर्नेलाई जोसुकै भए पनि कारबाहीको दायरामा ल्याउनुपर्ने उनको भनाई छ ।

यसमा तपाइको मत

Your email address will not be published. Required fields are marked *


*