राप्रपा महाधिवेशन : मतगणना जारी, को अगाडि ?

खबर कुरा
१९ मंसिर २०७८, आईतवार
                 

काठमाडौं । राष्ट्रिय प्रजातन्त्र पार्टी (राप्रपा) को एकता महाधिवेशनअन्तर्गत नेतृत्व चयनका लागि भएको मतदानको गणना भैरहेको छ । शनिबार राति मतदान सकिएसँगै सुरु भएको मतगणना हालसम्म जारी रहेको हो ।

नेतृत्वमा कमल थापा र राजेन्द्र लिङ्देन प्यानल बनाएर निर्वाचनमा होमिएका छन् । निर्वाचन समितिका सह सदस्य सचिव झनक प्याकुरेलले ३९ सय १७ मत खसेको जानकारी दिए । उनकाअनुसार ४३ सय ८० मतदाता रहेकोमा ५ सयभन्दा बढी अनुपस्थित भएका छन् ।

प्रदेशअनुसार प्रदेश १ बाट ७७६, प्रदेश २ बाट ५७३, बागमतीबाट ८९०, गण्डकीबाट ४०२, लुम्बिनीबाट ५९५, कर्णालीबाट ३०९, सुदूरपश्चिम प्रदेशबाट ३७२ मत खसेको छ । अध्यक्षमा मतपत्र तथा अन्य पदाधिकारी र केन्द्रीय सदस्यमा ८६ मेसिनबाट विद्युतीय मतदान भएको छ ।

हालसम्म २५ सय मतको गणना भइसक्दा नेतृत्वमा लिङ्देनले अग्रता लिइरहेको बताइएको छ । यद्यपी कति मतको अग्रता भन्ने खुलाइएको छैन ।

यसमा तपाइको मत

Your email address will not be published. Required fields are marked *


*