काठमाडौं । पार्टीका केन्द्रीय सदस्य र पदाधिकारी छनौट गर्न नेकपा माओवादी केन्द्रको स्थायी समिति बैठक बसिरहेको छ ।
प्रज्ञा भवन कमलादीमै बसिरहेको बैठकमा पदाधिकारी र केन्द्रीय समिति सदस्यहरु छनौटबारे छलफल भैरहेकोछ । बैठकमा पार्टी अध्यक्ष प्रचण्डले सर्वसम्मत रूपमा पदाधिकारीको नाम प्रस्ताव गर्ने तयारी छ ।
आठौं महाधिवेशनअन्तर्गत जारी बन्द सत्रमा केन्द्रीय सदस्य छनौटमा सहमति खोज्ने भन्दै हिजो शनिबारको बन्द सत्र आज दिउँसो २ बजेसम्मका लागि स्थगित भएको छ ।
पदाधिकारीमा धेरै नेताहरुको आकंक्षा बढेपछि अध्यक्ष प्रचण्डलाई सकस परेको छ । अध्यक्षमा प्रचण्डलाई चुनौती नभएपनि अन्य पदमा भने नेताहरुको लविङ तिब्र छ । यस्तै विभिन्न कस्टर मिलाउन नसक्दा केन्द्रीय समिति सदस्यहरुमा कसकसलाई पार्ने भन्ने पनि निर्णय भैसकेको छैन ।
सहमति बन्न नसके निर्वाचन प्रक्रियाबाट अन्तिम टुंगो लगाउने माओवादीको तयारी छ । माओवादी विधानमा १५ सदस्यीय पदाधिकारीसहित २९९ सदस्यीय केन्द्रीय समिति रहने प्रावधान रहेको छ ।
सुरुमा राष्ट्रिय सम्मेलन भनेर बोलाइएको माओवादी केन्द्रको महाधिवेशन पुष ११ गतेदेखि सुरु भएको थियो ।
प्रतिक्रिया