२४ घण्टामा ११६७ जनामा कोरोना संक्रमण पुष्टि

खबर कुरा
२५ पुष २०७८, आईतवार
                 

काठमाडौं । पछिल्लो २४ घण्टामा कोरोना संक्रमितको संख्या १ हजार नाघेको छ ।

शनिबार ९४४ जनामा संक्रमण देखिएकोमा आइतबार ११६७ जनामा कोरोना भाइरसको संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । संक्रमणदर बढेर ९ दशमलव ५ प्रतिशत पुगेको छ ।

देशभरमा १२ हजार ६३२ नमुना परीक्षण गर्दा ११६७ जनामा संक्रमण पुष्टि भएको हो । संक्रमितमध्ये ६१५ जना काठमाडौं उपत्यकाका मात्रै रहेका छन् । काठमाडौंमा ४९१, ललितपुरमा ९९ र भक्तपुरमा २५ जना रहेको मन्त्रालयले जनाएको छ ।

आज देशभर ६ हजार ७ सय ५५ जना कोरोनाका संक्रिय संक्रमित छन्। पछिल्लो २४ घन्टामा कोरोना संक्रमणबाट दुई जनाको मृत्यु भएको मन्त्रालयले जनाएको छ ।

यसमा तपाइको मत

Your email address will not be published.


*