एकै दिन १०,२५८ जनामा कोरोना संक्रमण पुष्टि

काठमाडौं । मंगलबार एक्कै दिनमा कोरोना भाइरसका नयाँ संक्रमितको संख्या १० हजार कटेको छ ।

स्वास्थ्य तथा जनसंख्या मन्त्रालयले मंगलबार अपरान्ह अपडेट गरेको तथ्यांक अनुसार पछिल्लो २४ घण्टाको बीचमा १० हजार २५८ नयाँ संक्रमित थपिएका हुन् ।

यो संक्रमण अहिलेसम्मकै सबैभन्दा धेरै हो । चिकित्सकहरुले माघको तेस्रो सातासम्म संक्रमण उच्च हुने अनुमान गरेका छन् ।

२२ हजार ८२८ जनामा गरिएको परीक्षणमा यति धेरै संक्रमित थपिएका हुन् । २४ घण्टाको बीचमा ५६२ जना संक्रमित कोरोना संक्रमणबाट मुक्त भएका छन् भने एक जनाको मृत्यु भएको छ ।

आज देशभर ३९ हजार ४४ संक्रिय संक्रमित पुगेका छन् ।