चितवन । सुख्खा पहिरोका कारण मुग्लिन-नारायणगढ सडक अवरुद्ध भएको छ । मुग्लिन–नारायणगढ सडकखण्ड अन्तरगत तोपेखोलामा सुख्खा पहिरो झरेका कारण सडक अवरुद्ध भएको हो ।
चितवनको ईच्छाकामना गाउँपालिका वडा नं ६ अन्तर्गत मुग्लिन–नारायणगढ सडकखण्डको तोपेखोलामा आज विहान अन्दाजी २ः३० बजे सडक माथीबाट सुख्खा पहिरो झर्दा सडक अवरोध भएको इलाका प्रहरी कार्यालय मुग्लिनले दिएको जनाएको छ ।
प्रहरीका अनुसार दुई तर्फी रुपमा अवरुद्ध भएको सडक खुलाउन दुईवटा मेशिनको सहायताबाट पहिरो पन्छाउने कार्य भइरहेको छ । सडक खुल्न कम्तीमा ४ घण्टा लाग्ने अनुमान गरिएको छ ।
प्रतिक्रिया