नेपालमा थपिए १० हजार ३१९ नयाँ संक्रमित, ४ जनाको मृत्यु

काठमाडौं । नेपालमा पछिल्लो २४ घण्टामा १० हजार ३१९ जनामा कोरोना संक्रमण पुष्टि भएको छ । सोही अवधिमा ४ जना कोरोना संक्रमितको उपचारका क्रममा मृत्यु भएको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार पछिल्लो २४ घण्टामा २१ हजार २०१ जनामा कोरोना परीक्षण भएको थियो । सोही अवधिमा निको हुनेको संख्या भने २५४० जना रहेको छ । आज थपिएसँगै देशभर सक्रिय संक्रमितको संख्या ८२ हजार ५५० पुगेको छ ।

आज सम्ममा देशभर कोरोनाबाट ज्यान गुमाउनेको कुल संख्या ११ हजार ६५९ पुगेको छ । संक्रमितमध्ये ८ लाख २४ हजार २३९ जना निको भएका छन् ।

यसैबीच पछिल्लो २४ घण्टामा १ लाख १९ हजार ३७१ जनाले खोप लगाएका छन् ।