काठमाडौं । राष्ट्रियसभाको रिक्त १९ पदका लागि भएको मतदान सम्पन्न भएको छ ।
सातै प्रदेशका तोकिएका मतदान केन्द्रमा बिहान ९ बजेदेखि सुरु भएको मतदान दिउँसो ३ बजेदेखि सम्पन्न भएको हो ।
मतदानको नतिजा आजै रातिसम्म आउने निर्वाचन आयोगले जनाएको छ । मतदान सकिएलगत्तै निर्वाचन कार्यालयमा मतपेटिका लगिने र सर्वदलीय बैठक बसेपछि मतगणना सुरु हुने आयोगले जनाएको छ । कुनै अप्ठेरो अवस्था नआइलागेमा आजै साँझसम्म मतपरिणाम आइसक्ने पनि आयोगले जनाएको छ ।
आगामी फागुन २० गते नेकपा ९एमाले०का आठ, नेकपा (एकीकृत समाजवादी) का चार, नेकपा (माओवादी केन्द्र) का चार र नेपाली कांग्रेसका तीन राष्ट्रियसभा सदस्यको पदावधि सकिने भएकाले ती रिक्त स्थानका लागि निर्वाचन हुन लागेको हो ।
सदस्यको पदावधि समाप्त हुन ३५ दिनअघि नै निर्वाचन गर्नुपर्ने प्रावधान छ । नेपाली कांग्रेस, नेकपा ९एमाले०, नेकपा (माओवादी केन्द्र), नेकपा (एकीकृत समाजवादी), राष्ट्रिय जनमोर्चा, लोकतान्त्रिक समाजवादी पार्टी नेपाल, नेपाल मजदुर किसान पार्टी, जनता समाजवादी पार्टी नेपाल र राष्ट्रिय प्रजातन्त्र पार्टीका उम्मेदवार निर्वाचन प्रतिस्पर्धामा छन् ।
प्रतिक्रिया