काठमाडौं । प्रधानमन्त्री शेरबहादुर देउवा र एमाले अध्यक्ष केपी शर्मा ओलीबीच पुनः छलफल हुने भएको छ ।
नेकपा एमालेका उपाध्यक्ष सुवास नेम्वाङले अब आफूहरु बालुवाटार जान लागेको जानकारी दिए । यस अघि आजै दिउँसो देउवा र ओलीबीच छलफल भएको थियो ।
देउवासँगको भेटवार्ता अघि एमालेले माओवादी केन्द्रका अध्यक्ष पुष्पकमल दाहाल ुप्रचण्डुसँग छलफल गरेको थियो ।
एमाले र कांग्रेसबीच आजै रातिसम्म सहमति गरी भोलिसम्म नयाँ गठबन्धन बनाउने समझदारी भएको स्रोतले बताएको छ । जसरी पनि एमसीसी पारित गर्न अघि बढेका प्रधानमन्त्री देउवाले एमालको सबै सर्त मान्दै उसको सहयोगमा एमसीसी पारित गर्ने वातावरण बनाउन लागेका हुन् ।
एमालेको शर्त अनुसार देउवाले सभामुख अग्निप्रसाद सापकोटालाई हटाउन सहमत भएका छन् । देउवाको सन्देश लिएर आजै दिउँसो गृहमन्त्री बालकृष्ण खाँणले सभामुख सापकोटालाई भेट गरी पदबाट राजीनामा दिन आग्रह गरेका थिए । सभामुखले राजीनामा नदिए सहमतिको वातावरण नबन्ने भन्दै खाँणले सापकोटालाई राजीनामा या महाअभियोगको सामना गर्न चेतावनीयुक्त सन्देश दिएको बताइएको छ ।
प्रतिक्रिया