काठमाडौं । सत्तारुढ गठबन्धनबीच महानगरपालिका भागबण्डामा सहमति जुटेको छ ।
गठबन्धनका दलका शीर्ष नेताहरुबीच मंगलबार दिउँसो भएको छलफलमा महानगर नेतृत्वको विषयमा सहमति जुटेको हो ।
सहमतिअनुसार पोखराको नेतृत्व नेकपा एकीकृत समाजवादीले नै पाउनेभएको छ । यस्तै भरतपुरको नेतृत्व माओवादी केन्द्रले पाउने भएको छ भने वीरगन्जको नेतृत्व जनता समाजवादी पार्टी जसपाले पाउने भएको छ । यस्तै, काठमाडौं, ललिपतपुर र विराटनगर महानगरको नेतृत्व कांग्रेसले गर्नेछ ।
दलहरुबीच ११ वटा उपमहानगरपालिकाका विषयमा भने छलफल भैरहेको छ । सहमतिको अन्तिम निस्कर्ष साँझसम्म आउने बताइएको छ ।
प्रतिक्रिया