खजुरा । बाँकेको खजुरामा माओवादी केन्द्रले खाता खोलेको छ । गाँउपालिकाको वार्ड नम्बर २ को वडा अध्यक्षमा गठबन्धनबाट माओवादी उम्मेदवार धनराम ओली क्षेत्री विजयी भएका छन् ।
प्राप्त पछिल्लो मत परिणाम अनुसार ओलीले २४२९ मत ल्याएर विजयी भएका हुन् । उनको प्रतिद्वन्दी नेकपा एमालेका उम्मेदवार समरबहादुर खत्रीले २०५१ मत प्राप्त गरे । राप्रपाका मनोज सुनारले १९१ मत प्राप्त गरे ।
वडा सदस्यहरुमा एमालेका रामकुमार सुनार र दिपु राना विजयी भएका छन् भने महिला सदस्यमा कांग्रेसकी विष्णु सुनार र दलित महिला सदस्यमा एमालेकी बालकुमारी सुनार विजयी बनेकी छन् ।
पालिका अध्यक्षमा एमालेको अग्रता
पालिका अध्यक्ष पदमा भने एमालेका सुमन मल्लले मतान्तर बढाउँदै अगाडी बढेका छन् । सुमन मल्लले ३५६६ मत पाउँदा गठबन्धनबाट माओवादी उम्मेदवार डम्बर विकले २७६६ मत मात्र प्राप्त गरेका छन् । उपाध्यक्ष तर्फ एमालेकी ताजरुन नीसाले २९७२ मत ल्याउँदा कांग्रेसकी मन्जु मल्लले २९४६ मत पाएकी छन् ।
प्रतिक्रिया