खजुरामा गठबन्धनका उम्मेदवार सफलताको नजिक, केहीबेरमा अन्तिम परिणाम घोषणा हुँदै

खजुरा । बाँकेको खजुरा गाउँपालिकामा गठबन्धनका अध्यक्ष र उपाध्यक्ष दुबै उम्मेदवार सपलताको नजिक पुगेका छन् । करिव १५०० मत गणना बाँकी हुँदा गठबन्धनका उम्मेदवार द्वयले १००० बढी मतान्तरले अग्रता कायम राखेपछि उनीहरु निर्वाचित हुने निश्चित जस्तै भएको हो ।

गठबन्धनका तर्फबाट नेकपा माओवादी केन्द्रका उम्मेदवार डम्बर बिक तुफान अध्यक्ष पदमा नेपाली कांग्रेसकी उम्मेदवार मञ्जु मल्ल उपाध्यक्ष पदमा प्रत्यासी थिए ।

बिकले निकटतम प्रतिद्धन्द्धी नेकपा एमालेका सुमन मल्ललाई १००७ मतले पछाडी पारेका छन् भने मञ्जुले एमालेकै ताजरुन निशालाई १३६८ मतले पछाडी पारेकी छन् ।

पछिल्लो परिणाम अनुसार तुफानको ९७५६ मत आयँदा एमालेका मल्लको ८७३९ मत आएको छ भने उपाध्यक्षमा कांग्रेसकी मल्लको ९०५७ मत आउँदा एमालेकी नीसाको ७६६८ मत आएको छ ।

जारी मत गणनाको प्रारम्भिक नतिजामा पनि गठबन्धनको पक्षको पल्ला भारी देखिएको निर्वाचन अधिकृतको कार्यालय खजुराको स्रोतले जनाएको छ । २०७४ को निर्वाचनमा उक्त गाउँपालिकामा नेकपा एमालेका किस्मत कुमार कक्षपति र एकमाया बिक निर्वाचित भएका थिए ।