नेपालगन्ज । लागूऔषध मुद्दामा फरार बाँकेका एक जना पक्राऊ परेका छन । ६ महिना पहिले अदालतबाट लागु औषध कारोबारको पुष्टि गर्दै सजाँय तोकिएका खजुरा गाउँपालिका वडा नम्बर ७ का ३३ वर्षिय विक्रम यादव पक्राउ परेका हुन् ।
यादवलाई ईलाका प्रहरी कार्यालय धनौली बाँकेबाट खटिई गएको प्रहरी टोलिले आफ्नै घरमा लुकी छिपी बसेको अवस्थामा फेला पारी पक्राऊ गरेको प्रहरीले जनाएको छ ।
प्रहरीका अनुसार, लागु औषध (ब्राउन सुगर) मुद्दामा मिति २०७८कार्तिक ७ गते उच्च अदालत तुल्सिपुरको नेपालगंज ईजलास बाँकेको फैसलाले यादवलाई ५ बर्ष कैद सजाय र ५ हजार जरिवाना तोकिएको थियो । अदालतबाट फैसला आए लगत्तै यादव फरार भएका थिए । घरमा आएको गोप्य सूचनाका आधारमा यादवलाई पक्राउ गरिएको प्रहरीले जनाएको छ ।
प्रतिक्रिया