बुटवल । बुटवलमा क्रियाशिल ७ राजनीतिक दलले बुटवल उपमहानगरले फेरेको बुटवल मण्डपको नामाकरणलाई बिरोध जनाएका छन् । आज अपरान्ह बुटवलमा बसेको ७ दलको बैठकले बुटवल मण्डपको नाम फेर्ने उपमहानगरको निर्णय फिर्ता लिन उपमहानगरपालिकालाई आग्रह गर्ने निर्णय समेत गरेका छन् ।
बैठक पछि जारी विज्ञप्तीमा बुटवल मण्डप बुटलमा क्रियाशिल सबै राजनीतिक दलहरुको विकासको साझा धारणा भएको उल्लेख गर्दै बुटवल मण्डपको नाम आम जनसमुदायको भावनात्मक अपनत्वसँग पनि जोडिएको बिषय भएको जनाईएको छ । दलरुको बैठकले आव ०७९/८० को उपमहानगरको बजेट र नीति तथा कार्यक्रममा प्रस्ताव गरिएको गिरिजा प्रसाद कोईराला बुटवल मण्डप नामाकरण गर्ने प्रस्ताव फिर्ता लिन उपमहनगरसँग आग्रह गरेको विज्ञप्तिमा उल्लेख छ ।
विज्ञप्तिमा नेकपा एमाले रुपन्देहीका अध्यक्ष किसन ज्ञवाली, राष्ट्रिय जनमुक्ति पार्टीका मेकबहादुर सारु, मंगोल नेशनल अर्गनाईजेशनका खिमबहादुर थापा, लोकतान्त्रिक समाजवादी पार्टीका रामशंकर गुप्ता, नेपाल कम्युनिष्ट पार्टीका एनबी शाही, राष्ट्रिय प्रजातन्त्र पार्टीका लक्षमण प्रसाद श्रेष्ठ र राष्ट्रिय जनमोर्चा (समन्वय समिति) का बाबुराम गौतमले हस्ताक्षर गरेका छन् ।
प्रतिक्रिया