झापाको सुनकोशी चिया बगानमा काम गर्ने तीन किशोरी एउटै रूखमा झुण्डिएको अवस्थामा मृत फेला, शव परीक्षणका लागि धरान पठाइयो

झापा । झापामा एउटा रुखमा तीन किशोरी झुण्डिएको अवस्थामा मृत भेटिएका छन् ।

कचनकवल गाउँपालिकास्थित बल्लेगाउँमा रहेको सुनकोशी चिया बगानमा रहेको बयरको रुखमा तीन किशोरी झुण्डिएको अवस्थामा फेला परेका हुन् ।

जिल्ला प्रहरी कार्यालय झापाका डीएसपी तथा प्रवक्ता वसन्त पाठकले मृत भेटिएकाहरुको शव पोष्टमार्टमका लागि धरानस्थित विपी कोइराला स्वस्थ्य विज्ञान प्रतिष्ठानमा पठाइएको झापाका एसपी विश्वमणि पोखरेलले जानकारी दिए ।

प्रहरीले प्रारम्भिक अनुसन्धानको क्रममा आत्महत्या गरेको हुनसक्ने बताएको छ । तर यसको यकिन पुष्टि भने भइसकेको छैन ।

उनीहरु तीनै जना शनिबार दिउँसोदेखि घरबाट वेपत्ता भएको परिवारले बताएका छन् । मृत भेटिएका तीनै जना चिया बगानमा काम गर्दै आएकाहरु रहेको पाइएको छ ।