काठमाडौं । नेकपा माओवादी केन्द्रले बिहीबार पदाधिकारीको टुंगो लगाउने भएको छ ।
बुधबार बसेको माओवादी स्थायी समिति बैठकमा अध्यक्ष पुष्पकमल दाहाल प्रचण्डले बिहीबार भोलि पदाधिकारीको प्रस्ताव गर्ने बताएका हुन् ।
बैठकपछि संचारकर्मीसँग कुरा गर्दै प्रवक्ता कृष्णबहादुर महराले पार्टी कमिटीलाई पूर्णता दिनेबारे बृहद छलफल भएको बताए । ‘सवैमा विस्तृत छलफल गर्यौँ, भोलि बिहान टुंगोमा पुग्छौँ । आज छलफल सुरु भयो’ । पदाधिकारी पनि भोलि नै टुंग्याउछौँ ।’
गत पुसमा महाधिवेशन गरेको माओवादीले अहिलेसम्म पनि पदाधिकारी टुंगो लगाउन सकेको छैन । स्थायी समिति बैठकले प्रचण्डलाई पदाधिकारीको प्रस्ताव गर्न अधिकार दिएको थियो ।
प्रतिक्रिया