नेपालगन्ज । नेपालगन्ज विमानस्थलबाट ठुलो परिमाणमा ब्राउनसुगर सहित एकजना पक्राउ परेका छन् । आज अपरान्हको उडानबाट नेपालगंजबाट काठमाण्डौ जाँदै गरेका रोहन शाह ब्राउन सुगर सहित पक्राउ परेका हुन् ।
यती एयरको विमानबाट काठमाडौं जान थालेका शाहबाट ६४ग्राम ७५० मिलिग्राम खैरो हिरोईन(ब्राउनसुगर) बरामद भएको बाँके प्रहरीले जनाएको छ ।
२५ वर्षिय शाहले कालो प्लाष्टिकले २ वटा पोका पारी झोलामा राखेर काठमाडौं जान थालकै बेला विशेष सूचनाका आधारमा पक्राउ गरिएको बाँके प्रहरीले जानकारी दिएको छ । शाहलाई हिरासतमा राखी आवश्यक अनुसन्धान भईरहेको पनि प्रहरीले जनाएको छ ।
प्रतिक्रिया