३ मंसिर २०८३, बिहिबार | November 19, 2026

निर्वाचनमा बहुमत ल्याउने गरी जनतालाई जागरुक गराउन नेताहरुलाई ओलीको निर्देशन



काठमाडौं । नेकपा (एमाले) का अध्यक्ष केपी शर्मा ओलीले आगामी निर्वाचनमा पार्टीको पक्षमा बहुमत ल्याउन नेताहरुलाई निर्देशन दिएका छन् ।

ललितपुरको च्यासलस्थित पार्टी केन्द्रीय कार्यालयमा शुक्रबार केन्द्रीय कमिटी बैठकलाई सम्बोधन गर्दै अध्यक्ष ओलीले आगामी निर्वाचनमा पार्टीको पक्षमा बहुमत आउने वातावरण बनाउन नेताहरुलाई निर्देशन दिएका हुन् ।

ओलीले पार्टीलाई बहुमतका लागि १६ प्रतिशत मत आवश्यक पर्ने बताएका छन् ।

ललितपुरको च्यासलस्थित पार्टी मुख्यालयमा शुक्रबारदेखि सुरु भएको केन्द्रीय समिति बैठकमा राजनीतिक प्रतिवेदन पेस गर्दै ओलीले आगामी ४ मंसिरमा हुने निर्वाचनमा एमालेलाई बहुमत ल्याउन १६ प्रतिशत मत नपुग्ने बताएका हुन् । यसका लागि सक्रिय रुपमा एमाले सरकारले गरेका कामको प्रचारप्रसार गर्न उनले आग्रह गरे ।

गठबन्धनबाट एमाले आत्तिनुपर्ने अवस्था नरहेको भन्दै उनले मनोवैज्ञानिक भयबाट मुक्त भएर मतवृद्धिका लागि निर्वाचनमा खटिनुपर्ने बताए ।

स्थानीय तहको नतिजालाई आधारमा मानेर ४ मंसिरमा हुने प्रतिनिधिसभा र प्रदेशसभा सदस्य निर्वाचनको रणनीति बनाउनुपर्ने बताएका अध्यक्ष ओलीले एमालेविरुद्धको घेराबन्दी र षड्यन्त्र सतहमा हेर्दा चुनौतीपूर्ण देखिए पनि यो अभेद्य रहेको बताए ।

ओलीले अहिले आफूहरूविरुद्ध भइरहेको घेराबन्दी भएको जिकिर गर्दै त्यसलाई कमजोर बनाउनु पर्ने धारण समेत राखे । उनले तत्कालका लागि एमाले विरुद्ध ध्रुवीकरण चुनौतीपूर्ण भएपनि दीर्घकालीन हिसाबमा त्यो सकारात्मक रहेको समेत बताए ।

ओलीले पार्टी नेताहरुलाई अलमलमा परेका जनतालाई जगाएर एमालेको पक्षमा आउने वातावरण बनाउने जिम्मा नेता कार्यकर्ताहरुको काँधमा रहेको बताए ।

स्थानीय चुनावमा एमालेले सर्वाधिक मत पाएको बताउँदै उनले राष्ट्रिय हितको रक्षा, लोकतन्त्रको सुदृढीकरण लगायतका मुद्दामा जनतालाई जागरुक गराउन सके आगामी निर्वाचनमा सफल भइने विश्लेषण गरे । उनले साझा उद्देश्यमा सहमत सहयात्रीहरुसँगको सहकार्यलाई खुला राख्ने पनि बताए ।

ओलीले वर्तमान गठबन्धन सरकारले देशलाई बर्बादीको दिशामा लगिरहेको बताए ।

केन्द्रीय कमिटी बैठकमा नवनिर्वाचित केन्द्रीय कमिटीका सदस्यहरुले शपथ ग्रहण गराइएको छ । ।

 

प्रकाशित मिति : १० भदौ २०७९, शुक्रबार  २ : १६ बजे

Your email address will not be published.

उपभोक्तालाई स्वच्छ मासु उपलब्ध गराउन सरकारले सक्रियता बढाउँदै

काठमाडौं । सरकारले मासुको स्वच्छता र उपभोक्ताको स्वास्थ्यलाई मध्यनजर गर्दै

नयाँ पुस्ताको कूटनीति राष्ट्रिय हित र रणनीतिक क्षमतामा आधारित हुनुपर्छ : परराष्ट्रमन्त्री खनाल

काठमाडौं । परराष्ट्रमन्त्री शिशिर खनालले बदलिँदो विश्व परिवेशमा नेपालको राष्ट्रिय

गोरुसिंगे-चन्द्रौटा सडक ६ लेनमा विस्तार हुने, ४ अर्ब ५६ करोडको ठेक्का सम्झौता

काठमाडौं । पूर्व–पश्चिम राजमार्गलाई चार लेनमा विस्तार गर्ने योजनाअन्तर्गत कपिलवस्तुको

एपेक सम्मेलनमा ट्रम्प र सीबीच द्विपक्षीय वार्ता

अमेरिकी राष्ट्रपति डोनाल्ड ट्रम्प र चिनियाँ राष्ट्रपति सी चिनफिङबीच बिहीबार

एन्फामाथिको निलम्बन र प्रतिबन्ध फुकुवा गर्ने राखेपको निर्णय

काठमाडौं । राष्ट्रिय खेलकुद परिषद्ले अखिल नेपाल फुटबल संघ (एन्फा)माथि