काठमाडौं । बाबुराम भट्टराई नेतृत्वको नेपाल समाजवादी पार्टी नेसपाका पाँच जना नेतालाई नेकपा (माओवादी केन्द्र)ले समानुपातिक उम्मेदवारको बन्दसूचीमा सामेल गरेको छ ।
यसअघि नै माओवादीको चुनाव चिन्हबाट निर्वाचन लड्ने सहमति गरिसकेको हुनाले नेसपाका पाँच नेताहरुलाई माओवादीले समानुपातिकको बन्दसूचीमा सामेल गरेको हो ।
अध्यक्ष बाबुराम भट्टराईको सिफारिसमा नेसपाका गंगानारायण श्रेष्ठसहितका नेताहरु माओवादीको समानुपातिक सूचीमा परेका हुन् ।
माओवादी नेताहरु देवगुरुङ, वर्षमान पुन, गिरिराजमणि पोखरेलसहित नेसपाका श्रेष्ठ पनि समानुपातिक सूची बुझाउन निर्वाचन आयोग पुगेका थिए ।
माओवादीको चुनावचिन्ह लिएर नेकपा राष्ट्रिय एकता अभियानका संयोजक वामदेव गौतमले पनि निर्वाचन लड्ने घोषणा गरिसकेका छन् ।
प्रतिक्रिया