समाचार प्रति संस्कृतिविद् शाक्यको असहमति

बुटवल । ‘विधि मिचेर गृहमन्त्रीलाई गरिएको म्ह पूजाप्रति आपत्ति’ शिर्षकमा खबरकुरामा आज प्रकाशित समाचारमा संस्कृतिविद् विमलबहादुर शाक्यले असहमती प्रकट गरेका छन् ।

आज मध्यान्ह टेलिफोनमार्फत संस्कृतिविद् शाक्यले खबरकुरामा आएको जस्तो आफुले नबोलेको र नबोलेको कुरा हालेर आफुलाई विवादमा पार्न खोजिएको भन्दै न्युज हटाउन भनेका छन् ।

आफुले विवादित कुनै कुरा नबोलेको र समाचारमा आएजस्तै गरी आपत्ति नजनाएको उल्लेख गर्दै समाचार नहटाए आफु मुद्दामा जाने चेतावनी पनि उनले दिएका छन् । नबोलेको कुरालाई खण्डन पठाउन पटक पटक आग्रह गर्दा पनि आक्रोशमा आएका शाक्यले समाचार नहटाए राम्रो नहुने समेत बताएका छन् । पटक पटक भर्खर डिलिट गर्न चेतावनी दिएका उनले डिलिट नगरे आफुले नछाड्ने धम्की समेत दिएका छन् ।

जस्ले जसरी पूजा गरेपनि आफुलाई किन आपत्ति हुने भन्दै शाक्यले बेकारको कुरामा समाचार बनाएको आरोप समेत लगाएका छन् ।

शाक्यले बुधबार साँझ खबरकुराले मागेको प्रतिक्रियामा आफु एमाले भएकाले बोल्दा विवाद आउने होकी भन्दै म्ह पूजामा जानुमा गृहमन्त्रीको दोष नभएको तर आयोजकले बिधि नपुर्याएको बताएका थिए ।