कोहलपुर । बाँकेको कोहलपुर-१३ मा बृद्ध अवस्थाका श्रीमान श्रीमती झुण्डिएको अवस्थामा फेला परेको छ ।
कोहलपुर नगरपालिका १३ का ६० वर्षीय श्रीमान डम्बर बोहरा र ५७ वर्षीया श्रीमती पार्वती बोहरा घर नजिकैको रुखमा झुण्डिएको अवस्था फेला परेका हुन् । गत ८ गतेबाट हराइरहेका बृद्ध दम्पत्ती आज मध्यान्ह कोहलपुर १३ को सिम्री भन्ने स्थानको झाडीमा झुण्डिएको अवस्थामा फेला परेको इलाका प्रहरी कार्यालय कोहलपुरका प्रमुख डीएसपी ऐनबहादुर मल्लले जानकारी दिए ।
सडेगलेको अवस्थामा शव फेला परेको पनि मल्लले बताए । बरामद भएको शवको आधारमा केही दिन पहिले नै झुण्डिएको हुन सक्ने प्रहरीले अनुमान गरेको छ ।
मृतक दम्पत्तीले यस अघि घरपरिवारबाट माया नपाएको, घरमा अपहेलना सहनुपरेको जस्ता गुनासो गर्ने गरेको अनुसन्धानका क्रममा छिमेकीहरुले प्रहरीलाई बताएको प्रहरीले जनाएको छ ।
घटनाका सम्बन्धनमा थप अनुसन्धान भैइरहेको डिएसपी मल्लले कोहलपुर बताए ।
प्रतिक्रिया