बाँके-३ मा धमाधम मतदान केन्द्र निर्माण हुँदै

खजुरा । आइतबार हुन गइरहेको प्रदेश तथा प्रतिनिधिसभा निर्वाचनको तयारी अन्तिम चरणमा पुगेको छ । निर्वाचन कार्यालयबाट मतपत्र र निर्वाचन सामाग्री लिएर मतदान केन्द्रहरुमा पुगेका कर्मचारी तथा सुरक्षाकर्मीहरुले मतादान स्थल बनाउने काम धमाधम गरिरहेका छन् ।

बाँके ३ मा पनि मतादानको तयारी अन्तिम चरणमा पुगेको निर्वाचन अधिकृतको कार्यालयले जनाएको छ । मतदान केन्द्र पुगेका कर्मचारी तथा सुरक्षाकर्मीहरुले मतदान स्थल बनाउने काम धमाधम बनाउने काम गरिरहेका छन् । आज दिनभरीमा सबै काम सकिने बाँके क्षेत्र नम्बर ३ का निर्वाचन अधिकृत प्रकाश बहादुर भण्डारीले जानकारी दिए ।

बाँके ३ मा ५६३५६ पुरुष, ५६९६५ महिला र एकजना अन्य गरि ११३३२२ मतदाता रहेका छन् । मतदानका लागि क्षेत्र नम्बर ३ मा ४८ मतदान स्थल र १३० मतदान केन्द्र रहेका छन् ।