बुटवल । रुपन्देही क्षेत्र नम्बर २ मा सर्वदलीय बैठक जारी रहेको छ । आइतबार सम्पन्न भएको प्रतिनिधिसभा तथा प्रदेशसभा निर्वाचनको मतगणनाका बारेमा छलफल गर्न सर्वदलीय बैठक बसेको हो ।
मतदानपछि सबै मतमेटिका निर्वाचन अधिकृतको कार्यालय बुटवल उपमहानगरपालिकामा ल्याई रुजु गर्ने काम सम्पन्न भएको कार्यालयका अधिकृत उदविर नेपालीले जानकारी दिए ।
बिहानैदेखि यहाँका राजनीतिकदलहरु बीच सर्बदलीय बैठक जारी रहेको बताउँदै नेपालीले बिहान १० बजेपछि मात्रै मत गणना हुनसक्ने बताएका छन् ।
१ लाख २६ हजार ८०७ मतदाता रहेको रुपन्देही २ मा ६३ प्रतिशत मत खसेको छ ।
प्रतिक्रिया