भैरहवा । रुपन्देही निर्वाचन क्षेत्र नम्बर ४ (२) मा नेपाली कांग्रेसका वसिउद्दिन खाँ विजयी भएका छन् । कुल ४० हजार ९ सय ६३ मत मध्ये खाँ ११ हजार ३ सय ५ मत ल्याई विजयी भएका हुन् ।
उनका निकटतम् प्रतिद्धन्द्धी लोकतान्त्रिक समाजवादी पार्टी, नेपाल (लोसपा) का मोहनलाल यादवले ८ हजार २ सय ६५ र जनमत पार्टीका अर्जुन प्रसाद जयसवालले ७ हजार ६ सय ६१ मत पाएका छन् । २०७४ सालको निर्वाचनमा पनि खाँ रुपन्देही ४(२) बाट प्रदेशसभा सदस्यमा निर्वाचित भएका थिए ।
निर्वाचन अधिकृत देवेन्द्र आचार्यले अहिले प्रतिनिधिसभा सदस्यको मतगणना जारी रहेको र उता पनि प्रदेश सभा सदस्यको मत हुन सक्ने भएकोले खाँलाई विजयी घोषणा नगरिएको बताए ।
प्रतिनिधि सभा सदस्यको मतगणना पछि मात्र प्रदेश सभा सदस्यहरुलाई विजयी घोषणा गरिने उनले जानकारी दिए । यो क्षेत्रमा ४० हजार ९ सय ६३ मत खसेको थियो ।
प्रतिक्रिया