काठमाडौं । महाकालीको बहाव नेपालतर्फ धकेलेर भारतले अनधिकृत पक्की संरचना बनाएको विषयमा नेपालले भारतलाई कूटनीतिक नोट पठाएको छ ।
परराष्ट्र मन्त्रालयले काठमाडौंस्थित भारतीय राजदूतावासमार्फत भारत सरकारलाई नेपालको असन्तुष्टि जनाउँदै मंगलबार दिउँसो कूटनीतिक नोट पठाएको हो ।
भारतलाई पठाइएको कुटनीतिक नोटमा नेपालको सहमतिविना महाकाली नदीमा एकतर्फी संरचना बनाइएको भन्दै यसबाट नेपालतर्फ क्षति पुगेको उल्लेख गरिएको परराष्ट्र मन्त्रालय स्रोतले जनाएको छ ।
नेपालले सीमा क्षेत्रमा संरचना निर्माण गर्नुपरे दुवै देशको सहमति र समन्वयमा गर्नुपर्ने अन्तराष्ट्रिय कानूनलाई पालना गर्नुपर्ने उल्लेख गरिएको छ ।
सीमा क्षेत्रमा कुनै पनि दुर्घटना हुन नदिन समस्याहरुलाई कुटनीतिक तबरबाट समाधान गरिनुपर्ने जनाइएको छ ।
प्रतिक्रिया