काठमाडौं । निर्मला कुर्मीको न्यायका लागि काठमाडौंमा भइरहेको तेस्रो चरणको आन्दोलनमा डा. गोविन्द केसीले ऐक्यबद्धता जनाएका छन् ।
रुवि खानले नेतृत्व लिएको उक्त आन्दोलनमा डा. केसी, अधिवक्ता ओमप्रकाश अर्यालले आइतबार माइतीघर मण्डलामा पुगेर ऐक्यबद्धता जनाएका हुन् ।
बाँकेकी निर्मला कुर्मीलाई न्याय नदिएको भन्दै अधिकारकर्मी रुवि खानसहितको समूहले काठमाडौंको माइतीघरमा तेस्रो चरणको धर्ना थालेको आइतबार चार दिन भइसकेको छ ।
निर्मला कुर्मी हत्याको घटनामा न्यायिक आयोग गठन गर्नुपर्ने, न्यायिक आयोगमार्फत कुर्मीको तमसुकमा भएको सहीछाप चेक गरिनुपर्ने, मुद्दालाई अदालतसम्म पु¥याइनुपर्ने र महिला आन्दोलनकारीको सुरक्षाको प्रत्याभूति गराउनुपर्ने चार बुँदे माग गरिएको छ ।
सोही समुहले निर्मला प्रकरणमा हत्याको आरोपमा किटानी जाहेरीमा परेका लुम्बिनी प्रदेशसभा सदस्य बादशाह कुर्मीले आज प्रदेशसभा सदस्यको सपथ खाएका छन् । शपथ रोक्न माग गर्दै खान सहितको टोललिे लुम्बिनी प्रदेश प्रमुख अमिक शेरचनलाई स्मरणपत्र बुझाएका थिए ।
प्रहरीले भारतमा कालगतीले मृत्यु भएको दाबी गरेपनि खान सहितको अधिकारकर्मीहरुले कुर्मीको जग्गा हडप्ने उद्देश्यले निर्मलाको हत्या गरेको आरोप लगाउँदै आएको छ । प्रदेशसभामा कांग्रेसबाट निर्वाचित बादशाह सहित ८ जना विरुद्ध निर्मलाका आफन्तले मुद्दा दर्ता गराएका छन् ।
प्रतिक्रिया